Ustruku taldea // Argazkia: Sean MacEntee (CC BY 2.0)

Ustruku taldea // Argazkia: Sean MacEntee (CC BY 2.0)

Ahozkotasun tradizioa zaindu eta konpartitzeko taldea martxan ipini genuen urtarrilaren 27an Getxon, SENDI Proiektuaren baitan. Ama, amama, aita, gazte eta umeak elkartu ginen Villamonten, ipuinak, kantak, aho-korapiloak eta poemak konpartitzera, hizkuntzarekin jolastu eta ondo pasatzera.

Lehen saioaren ostean bigarrena prestatzen hasi gara dagoeneko. Gure arteko komunikazioa errazteko eta gaiarekin lotutako baliabideak partekatzeko posta-zerrenda hau erabiliko dugu: https://groups.google.com/d/forum/ustruku, interesa baduzu, eman izena.


Ustruku: urtarrileko saioa Villamonten

Ustruku: urtarrileko saioa Villamonten

NOIZ & NON
– Elkartzeko datak eta lekua: urtarriletik apirilera, hileko azken barikuan (urtarrilaren 27a, otsailaren 24a, martxoaren 24a, apirilaren 28a) 18:00etatik 19:00etara, Villamonteko kultur etxean.

HELBURUAK
– Taldearen helburua: elkartzea eta ahozkotasunarekiko zaletasuna konpartitzea umeekin batera eta talde txikian. Poesia, ipuinak eta ahozkotasunarekin lotutako testuak lantzea, eta finean gozatzea.

ZELAN
– Funtzionamendua: heldu bakoitzak saiora ipuin, poema, aho-korapilo… ekartzeko konpromisoa hartzen du, eta denon artean osatuko dugu ordubeteko saioa.

Izena eman edota ekarpenik egin gura baduzu: 644 277 155 / sendi@egizu.eus

————

Grupo Ustruku

Para madres, padres y adultos, con o sin menores, crearemos un pequeño grupo para compartir cuentos, poemas, canciones, leyendas en euskera, queremos hacerle un sitio a la oralidad en nuestro día a día. Una vez al mes en el aula de cultura de Villamonte, Algorta. La próxima cita es el viernes 24 de febrero a las 18:00.